vidsyni-showcase-1

Af stað í fjallgöngu....eða ekki

Sun, 18 Dec 2022 16:23:44 GMT

Að stíga fyrsta skrefið út í náttúruna - Hugleiðingar um fjallgöngur

Af Stað….Í fjallgöngu Upp á Esju…….Eða ekki!

Ert þú ein/n af þeim sem horfir á fjöllin og finnst þau fjarska falleg? Svo þú segir fjallganga er ekkert fyrir mig?

Horfir á Esjuna og bara úff nei þetta fer ég ekki! Hefur jafnvel farið af stað og gefist upp á leiðinni og segir “Esjan er svo leiðinleg!” Þarmeð eru fjallgöngur erfiðar! Til hvers er farið í fjallgöngur og hvað þá jöklagöngur? Af hverju má ekki bara ganga á jafnsléttu? Þessar spurningar hef ég oft fengið eftir því sem fjallaáhugi minn eykst og svo upp á síðkastið hafa jöklar komið sterkir inn.

Ísland er svo stórkostlegt land sem býr yfir svo ótal mörgum möguleikum á fjall/fell göngum. Esjan er alls ekki það fjall sem byrjendur í fjallgöngu ættu að byrja á. Alveg sama í hvaða landshluta þú býrð, það eru ótal möguleikar á fell/fjall göngum.

Aftur að spurningunni af hverju að fara í fjallgöngu? Fjallganga er eitt form af hreyfingu og áhugamáli. Alveg eins og að fara í ræktina, hlaupa, golf og hestamennska. Það er með fjallgöngu eins og annað við það, að æfa sig og fara reglulega á fell/fjall æfir þú líkamann og hann aðlagast hækkuninni á fjallið/fellið. Allt sem þarf er í raun vilji og hugarfar. Það reynist oft erfiðast að koma sér úr sófanum og út til að byrja með.

Fyrir mér var það að finna þá hreyfingu sem hentaði líkama og huga mínum. Ég var búin að reyna ansi margt í hreyfingu, þ.m.t. allar líkamsræktarstöðvarnar og tíma þeirra. Einkaþjálfar, hóptímar og ég veit ekki hvað. Hlaup? já nei hnén þola það ekki. Neibb ekki gera sig fyrir mig.

Þangað til ég datt óvart inn á byrjendanámskeið í fjallgöngum. Það var mikið gert grín af mér þá hva kanntu ekki að ganga? Það er bara setja annan fótinn fram fyrir hinn! Fékk ég að heyra þegar ég var að lýsa því að það væri verið að kenna mér hvernig ég gæti fengið sem mest út úr hverju skrefi í fjallgöngu! Já það er hægt! Man vel eftir fyrstu göngunni minni upp Mosfellið (280m), ég hélt ég myndi andast á leiðinni upp. Leiðsögumaðurinn bara hljóp þetta eins og ekkert og ég bara bleik í framan af áreynslu! En vá hvað toppurinn verðlaunaði með útsýni og vellíðunar tilfinningunni að hafa komist þangað. Þetta var sko minn toppur! Það er einmitt þessi tilfinning vellíðunar sem ég sækist í þegar ég hef erfiðað við gönguna og komast á toppinn! Ég gafst ekki upp. Mér tókst þetta. Sama hversu toppurinn er stór eða lítill þetta er minn toppur.

Það er tilfinningin að hafa tekist áskorunin að fara á fjallið/jökulinn sem gefur mér trúna á sjálfa mig. Þetta yfirfæri ég svo á daglega lífið. Sko þú gast farið upp á topp á Móskarðshnúkum (eða hvaða topp sem er) þá geturu tekist á við þessa áskorun.

Stundum verður kona fyrir því að vera topplaus! Nei nei er alltaf í fötum sko. En þá er veðrið þannig að ekki er hægt að komast á toppinn á því felli/fjalli sem ætlað var að fara upp. Það gerist líka. Þá hlakka ég til að fara aftur þegar veðrið er betra.

Eftir því sem tíminn líður þá kemur keppnisskapið inn og nú vil ég vera í betra formi til að njóta ferðalagsins upp og niður fjallið. Fyrst var það að komast upp á toppinn. Það var nægt markmið fyrir mig, enda er þetta mín líkamsrækt, meðan fjallganga er útsýnisferð fyrir aðra.

Náttúran sér um það að aftengja allt ruslið í hausnum á mér og tengja það jákvæða og uppbyggilega. Ég kem endurnærð heim eftir eina góða fjallgöngu. Eitthvað sem ég hef ekki kynnst eftir aðrar íþróttir. Sem segir mér að ég sé á réttri hillu, er besta útgáfan af sjálfri mér. Er fjallganga kannski líka eitthvað sem kemur þér til þess að vera besta útgáfan af þér?

Sjáumst á fjöllum. ��

Hlaðvörp og útvarps viðtöl

annamaria@vidsyni.is (Anna Maria Thorvaldsdottir) — Sat, 17 Dec 2022 13:22:26 GMT

Hlaðvörp og Útvarpsviðtöl - Viðtöl á K100

Anna María fór í podcast viðtal til Francisco Reyes um stjórnendaþjálfun og árangur hennar fyrir stjórnendur. Hér má hlusta á viðtalið. Viðtalið er á ensku.

Setja sig í 1.sæti - Útvarpsviðtal á K100.mbl.is

Kristín Sif og Ásgeir Páll í Ísland Vaknar á K100.mbl.is eru með puttan á púlsinum þegar þau buðu Önnu Maríu í viðtöl um menningu og sálrænt öryggi á vinnustöðum og svo að ræða um það hvað það þýðir að setja sig í 1.sæti - Alltaf!

Erum náttúrulega kúrekar á Íslandi - Útvarpsviðtal á K100.mbl.is

„Við erum náttúrulega kúrekar á Íslandi. Við reddum þessu, græjum þetta og gerum þetta. Við gerum væntingar til þess að við gerum þetta allt. Þá er þetta engin undantekning,“ sagði Anna og lýsti því hvernig Íslendingar eiga það til að halda öllum boltum á lofti í einu.

Stundar þú rækt fyrir heilann eins og líkamann?

annamaria@vidsyni.is (Anna Maria Thorvaldsdottir) — Fri, 16 Dec 2022 16:42:45 GMT

Margir eru oft að taka sig á í mataræðinu á lífsleiðinni og byrja og hætta í ræktinni. Það er ósýnileg krafa í samfélaginu að við skulum falla í ákveðið form og helst vera svona og hinsegin í laginu. Hvarvetna er verið að hvetja fólk til þess að hreyfa sig líkamlega og eru öll blöð og netmiðlar uppfull af uppskriftum af hollum mat ásamt heilræðum um hvernig best sé að koma sér af stað og hversu hollt það sé að hreyfa sig bæði fyrir líkama og sál.

Sálin! Einmitt er ekki minnst á að öðru leyti í öllum þessum miðlum hvernig rækt við getum gert fyrir sálina og heilann? Þessi ósýnilega krafa um útlit fer mjög misjafnlega í okkur og við náum að tileinka okkur þetta á mismunandi máta. Rétt eins og líkamleg líkamsrækt er mikilvæg heilsu okkar er þá ekki andleg rækt álíka nauðsynleg?

Skoðum þetta aðeins nánar. Á árum áður fór fólk í messu, sjónvarp var ekki í útsendingu á fimmtudögum né í júlí mánuði, áreitið var almennt mun minna og voru þær stundir sem fólk hafði til að velta hlutum fyrir sér, ákveða sín næstu skref og lesa sér til gagns og gamans fleiri. Einhvern veginn upplifi ég að eldri kynslóðir hafi haft minna áreiti þó vissulega hafa kröfur um árangur og það að standa sig alltaf verið til staðar. Áreitið og kröfurnar um árangur eru í dag orðnar mjög miklar og eru fleiri um sömu störf og eins halda fyrirtæki að sér höndum með aukna skatta og skyldur á herðunum. Þörfin fyrir að velta hlutunum fyrir sér og ná enn meiri árangri hefur alls ekki minnkað í krefjandi umhverfi sem og það að standa sig í starfi og innan veggja heimilisins. Hvar á að taka frá tímann til að skoða málin? Dagskrá stjórnanda í dag er kjaftfull og eru skyldurnar svo miklar að þeir gleyma sjálfum sér.

Þeir sem stunda reglulega líkamsrækt í hvað formi sem það nú er líður mun betur líkamlega og virðast sterkari í að takast á við meira en þeir sem ekki hreyfa sig reglulega. En hversu margir taka tíma frá til að rækta heilann, skoða hvert þeir stefna og hvernig hægt er að ná sem mestum árangri? Svo ekki sé talað um að kynnast því og vita hver þeir eru sem persónur og hvert þeir stefna sem einstaklingar en ekki aðeins í hlutverki sínu sem yfirmanns, starfsmanns, foreldri eða maka?

Þeir sem þekkja til stjórnendaþjálfunar vita árangurinn af því að gefa sér reglulega tíma og tækifæri til að fara í andlega rækt með stjórnendaþjálfa sem er þjálfaður til þess að viðmælandinn fái sem mest út úr þjálfuninni og upplifi hámarks árangur. Stjórnendaþjálfar gefa viðmælanda sínum 100% athygli, deila hugsunum, eru samstarfsfélagar, spyrja kröftugra spurninga, ögra, bjóða bein tjáskipti, hlusta og heyra, skapa meðvitund og viðmælandinn skapar og tekur sterka ábyrgð á eigin lífi.

Stjórnendaþjálfun er svar nútímans við öllu áreitinu og kröfunum um að skara fram úr, sýna hagnað og árangur. Því innra með hverjum og einum býr einmitt sá eiginleiki að geta skarað fram úr ef innri hindrunum er ýtt úr vegi. Ef einstaklingum er gefið tækifæri að styrkja styrkleika sína og er meðvitaður um veikleikana og veit hvað þarf aðstoð við þá er árangurinn handan við hornið.

Stjórnendaþjálfun er verkfærið fyrir heilaræktina.

Anna María Þorvaldsdóttir
Víð sýn á lífið.

Víðsýni styrkir góðgerðarfélagið Bumbuloni

Thu, 15 Dec 2022 11:21:16 GMT

Jólakort frá Víðsýni

Víðsýni gefur helstu viðskiptavinum sínum jólakort til styrktar Bumbuloni. Bumbuloni er styrktarfélag sem selur vörur til styrktar fjölskyldum langveikra barna. Teikningarnar er prýða vörurnar eru eftir Björgvin Arnar sem var langveikur og lést langt fyrir aldur fram árið 2013 þá sex ára gamall.

Allur ágóði af sölu kortanna fer í styrki til fjölskyldna langveikra barna í desember ár hvert. Sjá nánar inn á www.bumbuloni.is

Mannauðsdagurinn 2022

Tue, 13 Dec 2022 22:07:53 GMT

Starfsemi Víðsýni og Via Optima kynnt

Anna María og Inga hjá Via Optima voru saman með kynningarbás á mannauðsdegi Félags mannauðsfólks í Hörpu 7.október 2022 og kynntu starfsemi sína.

Þær eru sammála að dagurinn var einstaklega vel heppnaður, viðtökur og áhugi á starfsemi þeirra var langt umfram það sem þær gerðu ráð fyrir í upphafi. Kynningarbás þeirra var huggulegur, í anda þess að skapa traust og þægilegt andrúmsloft í stjórnendaþjálfun. Þær buðu upp á kaffi frá Te og Kaffi og súkkulaði frá Nóa Siríus. Þægilegur hægindastóll var til staðar til þess að setjast og spjalla. Mest var spurt um stjórnendaþjálfun þeirra svo og vinnustofuforminu. Á vinnustofum er blandað saman fyrirlestri, teymisvinnu og umræðum þátttakenda.

Mannauðsstjórar og mannauðssfólk er fjölbreyttur og mjög metnaðarfullur hópur sem vill sífellt gera betur í því síbreytilega umhverfi sem fyrirtæki lifa við.

Anna María og Inga eru sammála um að saman eru þær sterakri og það nær aukinni útbreyðslu að vera tvær saman í kynningarmálum og ýmsum stærri verkefnum sem krefjast mismunandi þekkingar og nálgunar. Þær eru báðar nýlega komnar með sín eigin fyrirtæki og þá er mikilvægt að láta vita af sér.

Það voru því mjög sáttar, þreyttar en glaðar konur sem pökkuðu saman eftir daginn. Dagurinn var fullur af fróðleik og samtölum við skemmtilegt fólk, þar sem bæði var tengslanetið styrkt og eflt. Fundir voru skipulagðir um fleiri kaffibolla og fundir að ræða málin enn frekar.

Takk fyrir okkur.

Sterkari stjórnendur með stjórnendaþjálfun

Thu, 06 Oct 2022 22:43:21 GMT

Kynning á starfsemi Víðsýni og Via Optima í sérblaði Fréttablaðsins 01.10.2022

Anna María Þorvaldsdóttir og Inga Þórisdóttir eru sjálfstætt starfandi stjórnendaþjálfar og vinna með stjórnendum og sérfræðingum sem vilja ná enn betri árangri bæði fyrir sig og hópinn sinn.

A nna María og Inga leggja áherslu á mikilvægi þess að stjórnendur hafi hugrekki til að stíga sterkt inn í hlutverk sitt sem stjórnendur. Áskoranir stjórnenda hafa sjaldan verið jafnmiklar og nú á tímum stöðugra breytinga, meðal annars eftir heimsfaraldurinn. Væntingastjórnun þarf að vera skýr á sama tíma og áhersla sé á sálrænt öryggi og velferð starfsmanna.

„Ég býð upp á stjórnendaþjálfun og fókusinn er að vera sterkur stjórnandi,“ segir Anna María. „Ég nota til þess aðferðafræði markþjálfunar, ráðgjöf, fyrirlestra og hópefli. Ég hef farið í mörg fyrirtæki og fengið til mín stjórnendur í stjórnendaþjálfun og vilja þeir almennt sinna hlutverki sínu sem fyrirmyndarstjórnendur og gera enn betur. Stjórnendur sem ég hef unnið með hafa komið sem einstaklingar og einnig sem stjórnendahópur. Eins hafa fyrirtæki keypt stjórnendaþjálfun fyrir alla sína stjórnendur. Það getur verið erfitt fyrir stjórnendur að tala við samstarfsfélaga sína þegar upp koma áskoranir og þess vegna er gott að vera með óháðan aðila sem hefur ekki neinna hagsmuna að gæta nema hagsmuni viðmælanda síns og þá næst góður árangur með þjálfuninni,“ segir Anna María.

„Þeir tveir þættir sem oftast koma illa út í vinnustaðagreiningum fyrirtækja á Íslandi eru skortur á upplýsingaflæði og endurgjöf og reynist stjórnendaþjálfun sérlega vel í þeim tilvikum.“

Anna María hefur yfir tuttugu ára reynslu í mannauðs- og gæðastjórnun í ýmsum fyrirtækjum á Íslandi og erlendis. Hún hefur reynslu af því að nýta aðferðafræði markþjálfunar við stjórnun í starfi. Hún er með MBA-próf frá Háskólanum í Reykjavík, var ein af þeim fyrstu sem lærði markþjálfun á Íslandi og er með virk ACC-réttindi. Þá starfaði hún í áratug sem gæðastjóri, þar sem ábyrgðarsviðið var innleiðing, samþætting og úttekt ýmissa ISO-staðla.

Að styðja við stjórnendur

Inga Þórisdóttir hjá Via Optima og Anna María hafa unnið saman að fræðsluverkefnum sem snúa að heilbrigðum samskiptum sem hluta af menningu fyrirtækja. Mikilvægt er að hlúa að menningunni og að nýta þá þekkingu, reynslu og hæfni sem býr í mannauði hvers fyrirtækis. Sá þáttur sem hlúa þarf sérstaklega að er sálrænt öryggi á vinnustöðum.

„Ég hef fengið tækifæri til að vinna með ólíkum stjórnendum sem standa frammi fyrir mismunandi áskorunum og það er skemmtilegt að sjá þá ná árangri og finna lausnir í stjórnendaþjálfuninni,“ segir Inga. „Ég beiti aðferðum stjórnendaþjálfunar og eftir því sem við á námskeið og vinnustofur, sem innihalda bæði fræðslu og umræður. Stjórnendur eru oft að glíma við að hafa hugrekki til að ræða óþægileg málefni, taka á frammistöðu og á sama tíma þurfa þeir að hvetja hópinn sinn.“

Inga vinnur bæði með nýjum og reyndum stjórnendum og í sumum tilfellum með allri framkvæmdastjórninni.

„Stjórnendur eru undir mikilli pressu og því árangursríkt að vinna með hlutlausum aðila í að skerpa fókusinn og hafa yfirsýn. Það skapar mikið virði fyrir fyrirtæki sem styðja við stjórnendur sína að vera með stjórnendaþjálfun hjá hlutlausum aðila,“ segir Inga.

Hún heldur námskeið og vinnustofur um starfsmannasamtöl og hefur hún reynslu af því að hafa innleitt tíðari starfsmannasamtöl.

„Á tímum endalausra breytinga er svo mikilvægt að skapa umgjörð um tíðari samtöl milli starfsmanna og stjórnenda.“

Inga hefur rúmlega tuttugu ára reynslu af störfum innan fjármálageirans sem og víðtæka stjórnunarreynslu. Hún hefur reynslu af því að nýta aðferðafræði markþjálfunar við stjórnun.

Inga er viðskiptafræðingur Bsc. frá Háskólanum á Bifröst og er vottaður NLP Master Coach markþjálfi. Þá hefur hún lokið diplómanámi í verkefnastjórnun og leiðtogaþjálfun frá Endurmenntun Háskóla Íslands.